İyulun 11-də Daxili Qoşunların Baş İdarəsində Hərbi Şuranın “2015-ci ilin birinci yarımilində Daxili Qoşunların xidməti-döyüş fəaliyyətinin yekunları və ikinci yarımilində qarşıda duran vəzifələr"ə həsr olunmuş iclası keçirilib.

Daxili Qoşunların şəxsi heyətinin peşəkarlığı I Avropa Oyunları zamanı bir daha öz təsdiqini tapdı və Qoşunların nümunəvi xidməti fəaliyyəti, hər bir hərbi qulluqçunun dövlətinə və dövlətçiliyə sadiq, Vətəninə, xalqına son dərəcə bağlı olduğunu nümayiş etdirdi.

Daxili İşlər Nazirliyinin Daxili Qoşunlarında abadlıq-quruculuq işləri davam etdirilməkdədir. Qoşunların xidməti-döyüş fəaliyyətinin daha da yüksəldilməsi, eləcə də şəxsi heyətin sosial-məişət şəraitinin yaxşılaşdırılması məqsədilə hər il yeni hərbi şəhərciklər, əsgər kazarmaları, xidməti yaşayış kompleksləri, müxtəlif təyinatlı obyektlər tikilib istifadəyə verilir.