Daxili İşlər Nazirliyinin Daxili Qoşunlarının yaranmasının növbəti ildönümü ərəfəsində - martın 7-də bu qurumun Hacıqabul şəhərində yerləşən "N" saylı hərbi hissəsində bir sıra mühüm xidməti obyektlərin açılış mərasimi keçirilib.

Tədbirdə Respublikanın Daxili İşlər Naziri, general-polkovnik Ramil Usubov iştirak edib.

Öncə mərasim iştirakçıları Ulu Öndər Heydər Əliyevin rayon mərkəzində ucaldılmış abidəsini ziyarət edib, əziz xatirəsini yad edərək önünə tər çiçək dəstələri düzüblər.

  Sonra hərbi hissənin ərazisində nazir müavini - Daxili Qoşunların Komandanı, general-mayor Şahin Məmmədov general-polkovnik Ramil Usubova hərbi qulluqçuların tədbirə hazır olması barədə raport verib. Nazir şəxsi heyəti salamlayıb, əlamətdar hadisələr münasibətilə onları təbrik edib.

  Mərasim iştirakçıları hərbi hissənin xidməti və döyüş fəaliyyətini əks etdirən fotostendə baxıblar, daha sonra yeni istifadəyə verilmiş əsgər kazarması, tibb məntəqəsi, camaşırxana və digər məişət obyektləri ilə tanış olublar.

  Nazir müavini-Daxili Qoşunların Komandanı, general-mayor Şahin Məmmədov son illərdə Daxili Qoşunlarda, o cümlədən sözügedən hərbi hissədə həyata keçirilən abadlıq və quruculuq işləri barədə məlumat verib. Qeyd olunub ki, hərbi şəhərcikdə aparılan yenidənqurma işləri qısa müddət ərzində başa çatdırılıb. Beşmərtəbəli 400 nəfərlik zirzəmili əsgər kazarması, hamam-camaşırxana kompleksi, tibb məntəqəsi, eləcə də sıra meydanı və digər obyektlər şəxsi heyətin istifadəsinə verilib.

  General-mayor Şahin Məmmədov Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin şəxsi heyətə göstərdiyi diqqət və qayğının nəticəsi olaraq, Vətənə, dövlətə, xalqa ləyaqətlə xidmət etmək üçün bu gün Daxili Qoşunların hərbi qulluqçularına hərtərəfli şəraitin yaradıldığını bildirib.

  Komandan naziri əmin edib ki, şəxsi heyət bundan sonra da dövlət başçımızın yüksək diqqət və qayğısına fədakar xidmətilə cavab verəcək, müstəqilliyimizi və dövlətçiliyimizi qorumağa hər an hazır olacaqdır.

  Daxili İşlər Naziri möhtərəm dövlət başçımızın rəhbərliyi ilə həyata keçirilən məqsədyönlü siyasət nəticəsində ölkənin ictimai-siyasi, iqtisadi həyatında, ordu quruculuğunda böyük uğurlar qazanıldığını, daxili işlər orqanlarının maddi-texniki bazasının daha da möhkəmləndiyini, hərbi qulluqçuların sosial-məişət şəraitinin ilbəil yaxşılaşdığını qeyd edib. 

hərbi qulluqçuları qarşıya qoyulan bütün vəzifələri bundan sonra da layiqincə yerinə yetirəcək, göstərilən ali diqqət və böyük etimadı xalqına, Vətəninə, dövlətinə və Prezidentinə sədaqətli xidməti ilə doğruldacaqdır.

 

  Tədbirin sonunda əlamətdar hadisələr münasibətilə əsgərlərin, onların valideynlərinin və şəhər ictimaiyyəti nümayəndələrinin qarşısında Daxili Qoşunların Nümunəvi-göstərici Hərbi Orkestrinin geniş konsert proqramı keçirilib.